Nauhak Kum 7 Mi Covid-19 Nei In Hmundang Ah Aum Ih Hringtu A Nu In A Thihsan, Zianghman Thei Loin A It

Covid-19 in innsang tam zet a thenawkter zo ih minung tam zet a vel tap. Nauhak kum 7 mi Lalduhawma cu mani May 18 ah Covid-19 a nei ti theih a si. A nu Pi Tluangpuii cu February thla ihsin thluak natnak (Brain tumor) anei ti an thei.

LCMC le District hospital ah caan reipi sung an rak tuamhlawm zo, Lunglei lam khalah an fehpi. Aizawl lam ih tuamhlawm aw ding ti a si nan sumpai lamah harsatnak an nei si, Aizawl lam panpi loin Lunglei ihsin Lawngtlai ah an tlunpi sawn.

An buai zet ruangah an fapa Lalduhawma khal kilkhawi thitha thei loin an um, mani May 18 ah Children Home lamah ret an tum ih Covid-19 an test-nak ah arak positive. A pa in a nu a umpi a tul ruangah an fapa cu CCC lamah umpitu anei lo, Bethel Veng ih um tlangval Lalremsanga in tha zetin CCC ah a umpi.

Tuizan May 19 zan nazi 8:30 hrawngah a nu Pi Tluangpuii cu caan reipi sung a damlonak Brain Tumor in a thi. Asinan, a fapa cun zianghman a thei hrih lo ih thaw zetin a it that lai, hnatuantu pawl khalin an sim duh hrih lo.

A umpi in “Thingkah Covid-19 tuamhlawmnak hmun ih ka umpi Awmawma (kum 6), a nu Pi Tluangpuii in mitu te ah a thihsan. Amah ka zoh ih a it that thaw tuk lai si, ka thangharh kei ka sim ding maw ka itthater men ding so…

Awmawma, zianghman na theithiam hrih si lo, hitin thaw zetin itthat hrih mei aw, Pathian in ziangkim arung tawlrel ding” tin a tarlang.

Be the first to comment

Leave a Reply

Your email address will not be published.


*