Nauhak Kum 9 Mi Cu An Makpa In A Bum Ih A Pawngsual

Rakhine State, Toungup Township. Chaung Thone Khwa khua ih um nunau nauhak kum 9 mi cu an makpa in a bum ih a pawngsual. Nauhak te cu phun 3 kailai a si, an makpa cu kum 23 mi Htet Lin Zaw a si. Nauhak te ih unu le Htet Lin Zaw cu an neiaw ih Abe khua ah an um.

July 8, 2022 zanlam nazi 4:00 hrawngah Htet Lin Zaw cu a nupi ih nulepa tei khua ah ava feh ih nauhak te ih nu hnenah a unu in ra tlawng dingin in sawmter a ti. A nu khalin arak lungkim ih a fanu nauhak te cu an makpa hnenah a thlahliam.

Htet Lin Zaw in a nupi ih naunu cu a phur ih Thekkedyin le Ywapaka khua karlak ramlak ah a sualpi. Htet Lin Zaw in nauhak te cu an inn ah ava thlahsal ih a serh sungah thing a lut ih thisen a suak a ti. Zan nazi 10:00 ah Toungup siizung ah an tlanpi, siibawi pawlin an zohdik ih pawngsual a bang thu an sim thei.

Palik pawl an ko ih nauhak te cu thu an sut rero hnuah a phuang aw. Palik pawlin Htet Lin Zaw khal an ko ih thu an sut rero hnuah a phuang aw ve. Tualsung mi pakhat in, “Nauhak te hi thu an sut rero hnuah a phuang aw, an makpa in a pawngsual thu a sim.

An makpa khal a sual tuah mi hi a thup thei nawn lo ih a phuang aw. Htet Lin Zaw cu palik pawlin an kai ih July 9 zanlam nazi 6:30 ah nauhak kumkim lo pawngsual thubuai an orhter. An thubuai orhter mi ah damsung thawngthlak asilolen kum 20 sung thawngthlak a tong thei” a ti.

Kan dung June 20, 2022 khalah Kyaukpyu khua ih um nunau nauhak kum 6 mi cu vengsung ih um tleirawl kum 14 mi in an khua kiang tiva ah a sualpi. Mi sualpitu tleirawl kum 14 mi cu palik pawlin an kai zo.

Be the first to comment

Leave a Reply

Your email address will not be published.


*