Nauhak Pawngsualtu Cu Mipi Thinheng In An Urthat

India ram, Gumla district ah tualsung mino pahnih in nunau nauhak pakhat an pawngsual ruangah mipi thinheng in an vel ciamco hnuah meisa in an ur. Pakhat cu a kang that, pakhat sawn khal hliamhma nasa zet tuar in siizung ah an tuamhlawm rero lai.

An khua kiang mopuai ah an feh, an tlunlam ah nauhak te le a innsang pawl cu bus an hngak, cutawk ah an khua ih mino pahnih in nauhak cu an phur tlung. An innsang pawl khalin thilpoi a thleng ding ti rinhlelnak zianghman an nei lo ih thindaiten an thlah.

Nauhak te in, “Mino pahnih cu ka hmeltheih an si ih ka parah hivek thil an tuah ding ti ka zum lo. Ramlak ah in hruai ih in pawngsual, in hringhro” a ti. June 8, 2022 zan nazi 9/10 hrawngah khuasung mipi pawl cu an thinheng tuk ih mino pahnih cu an inn ihsin an dirsuak.

Mipi thinheng a sosang tuk zo ruangah zohman in an kham thei lo. An khua mino pahnih cu an vuak, an vel ciamco. Mipi pawl cu namtong le thing an keng thluh, mino pahnih cu datsii in an tawih ih an urkang, an bike khal an urkang. Pakhat sawn cu a hmun ah a thi cih, pakhat cu siizung ah an tuamhlawm rero lai.

Be the first to comment

Leave a Reply

Your email address will not be published.


*