Nauhak Zun Thawn Suangmi Arti Cu Harhdamnak Hrangah A Ṭha Hleice

Hlanlai ahcun siivai ṭhaṭha aum lo ruangah minung zun hi siivai phunkhat ah an hmang ṭheu, zingpit zun cu siivai ah a ṭha cuang an ti. Ei le in ṭhaṭha aum hrih lo ruangah arti hi an rawl thawbik pakhat a si, arti ah vitamin phunkim aum.

China, Dongyang le Zhejiang ahcun zun thawn suangmi arti hi an uar zet, hlanlai ihsin an rak tuah rero zo. Mipa nauhak kum 10 hnuailam ih zun cu an la ṭheu ih arti thawn an suang, mipa nauhak cu nunau itpi hrih lo a si ding.

Cutin zun thawn arti cu an suang ih arti hawng cu a kekkuai, arti cu a hmin tikah cun a sen & golden rawng in aum. A rim cu a sia zet nan siivai ah a ṭha tuk an ti. Taksa naa, thisen ṭha lo, thahri naa pawl khal a ti dam thei ti zumnak an nei.

Himi zun thawn an suangmi arti cu “boy egg” an tiih tulai khalah a lar zet, arti suangtu pawlin nauhak tlawnginn kiangkap ah zunbawm an va ret ṭheu ih cutawk ah tlawngta nauhak pawlin zun an rak thawh. Cumi hmangin arti cu an suang, 2012 kum ah zun thawn an suangmi arti pumkhat ah 1.50 yuan ($0.24) in an zuar, tidai thawn suangmi arti aiin a letin a khung sawn.