Naunau Taklawng Zan-Ih A Ṭhatnak Phunsarih (7)

(1) Ih-Hmuh Thawten Ih A Theih
The American Academy of Sleep Medicine cun hitin a sim, “Taklawng ih na ih tikah na taksa a harhdamter”. Thuamhnaw, Pajamas tivek thawi na ih tikah na thisen feh daan (Circadian Rhythm) a control ih, ih-hmuh thaw zet ih, ih a theih lo bakah nunau harhdamnak lam hrangah a poi zet ti a si.

(2) Nunau Zahmawh hrangah harhdamnak a si
‘The Sex Drive Solution for Women’ timi cauk ngantu, Jennifer Landa cun ” Nunau taklawng ih kan ih tikah kan zahmawh hrangah harhdamnak a si” a ti. Ziang ruangah tile nunau zamawh hi nikhua (climate) vek a si ih amahte ciar theimi le ro theimi a si ih a ciar tikah naat-hrik (bacteria) khal a kai awl zet mi a si. Curuangah a ciarlonak dingah thuamhnaw hruh lo ih taklawng tei ih thei asilen nunau hrangah harhdamnak a si. Nunau harhdam cu “nunau lungawi thei an si” kan ti ṭheu kha.

(3) A Sexy Cuang
Nunau taklawng hmuh cu mipa a hmutu hrang khalah a nuam an ti. Mipa le nunau pehtlaihawknak ih a thupi zet mi duhnunnak, mawinak le caknak pawl an si. Na pasal thinlung sungah taklawng ih na um tikah zalennak na pek ih duh na nung in na mawi cuang. Nupa sinak hman tikah a tlangpi thu in mipa lam ih ṭan hi a si tlangpi ruangah na milaipa kha thinlung zalennak le na duhnunnak, mawinak le itumnak na pek thiam a thupi zet.

(4) Pum-dawp A Rehter Thei
The Huffington Post cun hitin a tarlang “zandai nunau pawl an ih thah lai ah “Hormones” a tamter ih cu rualrual “Cortical level” khal a malter ti a si”. Cumi thleng danglam aw mi cun taksa hrangah harhdamnak a suahpi ih zinglam ah thaa um takih thawh a theih. Cun, thuamhnaw tet thetthet thawi zan it mumal lo ih na um tikah “Cortical Level” (Catalyze your appetite) a malter ih ei in a punghman thei nawn lo ruangah pum a dawpter.

(5) Nupa Sinak Hman A Cak Um Cuang
Dr.Landa cun, “Taklawng ih kan ih tikah nupa sinak kan hmang tam cuang” tin a sim, logical. Minung thinlung rengreng hi ziangvek khalah zalen takih um duhtu thinlung nei mi kan si. Nupa zan an ih tlang tikah thuamhnaw hnawk hnaihnai thaw cun thinlung mi a ti zalen lo. Asinan taklawng thawn cun, kheng sungih rawl ret cia vek a si.

(6) Zinglam Ah Bualawk A Ṭul Nawn Lo
Nunau pawl ih an huat le peih lo zet ṭheu mi, a bik in thlatang ah, zing nisuahkhel ih tifai awk hi a si ṭheu. Hnaṭuan nei hrang tlan ahcun a hleice ih mi hnakih minutes 30 tuan deuh ih an thawh a ṭul. Cumi na tuah kelte har fualfo ih na tuah peih nawn lo asilen taklawng in ih awla zianghman tuah hlan ih bathroom na feh a ṭul nawn lo ding.

(7) Hnaṭuan A Malter
Thuamhnaw hnawk hnaihnai, Pajamas tivek na hruh tikah na thuamhnaw thlengah na caan ziang maw tizat na pek tlunah a ṭul lo ah sumpai tampi na cemter. Curuangah taklawng i ih zir thlang aw. (James KC)

Be the first to comment

Leave a Reply

Your email address will not be published.


*