Naupai A Duh Ruangah Rubber A Ti Pop, A Tlangval In Taza A Cuai >>>

German nunau kum 39 mi in naupai a duh ruangah a thupten a tlangval ih ret ṭhahmi rubber cu arak vit pop. Hmin tarlang rem hrih lo nunau le a tlangval kum 42 mi cu 2021 kum ihsin an kopaw, online fehtlang ih theiaw an si ih an ittlang ṭheu.

Nunau in a duhdawt tuk, asinan mipa in thungai thlakin pehtlaih a tum lo ti a theih ruangah naupai dingin a cangvai. Cutin, mipa serh tuamnak rubber cu a vit pop ṭheu nan nau a pai thei cuang lo.

A tlangval hnenah nau a pai ih a zumawk thu a sim thei ih rubber a vit pop thu khal a phuangaw, curuangah a tlangval in court ah taza a cuai. A lungkimnak tello in rubber a vit pop ruangah taza a cuai. Court in, “German san thuanthu ah thubuai mak danglam bik a si ding” an ti.

Court in an thubuai cu an zingzoi hnuah kaphnih lungkimnak tello in thil a tuah ruangah an thubuai cu an cohlang sak ih nunau cu hremnak an pe ding, asinan ziangvek hremnak an pe ding ti cu an rel thei hrih lo.

Be the first to comment

Leave a Reply

Your email address will not be published.


*