Naupai Hrem Thattu Ralhrang Motor A Let

Naupai lai kum 25 mi hrem thattu Maubin ralhrang motor cu January 26, 2022 sun ah a let ih hliamhma nasa zet an tuar. Ralbawi inn ih hnaṭuan naupai lai Ma Tin Maw Linn (kum 25) le a pasal cu rukru thubuai orhter in ralhrang pawlin an kai ih an hrem ciamconak ah Ma Tin Maw Linn cu sakhan sungah a thi.

Ma Tin Maw Linn hrem thattu pawl cu ziangvek hremnak khal pe loin an tlanlen rero lai. Kan dungte khalah Ma Tin Maw Linn hrem thattu lakih tel ralhrang pakhat cu ritheihsii tham pakhat in nam in a dawt ih siizung ah an tuamhlawm rero lai.

Ma Tin Maw Linn hrem thattu ralhrang 2 cu January 26 sun ah Kyon Sut khua ah mikai dingin motor thawn an va feh ih lamzin kap ah an let. Tualsung mi pakhat in, “Police Superintendent Win Myint ih kawng ah hliamhma a tuar.

An motor cet a siat khal a si lo, ṭhaten motor an mawng lo ruangah an cangsual. An motor khal khuasung motor an lonsak mi a si, PDF thawn pehtlaihaw tin motor an lonsakmi a si” a ti. Maubin ralhrang pawl hi an sual zet ih an rinhlelmi pawl cu PDF thawn an pehtlaihaw tin an thilri bungrua pawl an lonsak ṭheu ih mi an hrem that ṭheu.

Be the first to comment

Leave a Reply

Your email address will not be published.


*