Naupai Lai Cu A Sam Ruangah A Thi

Belarus ram, Borisov khawpi ih um naupai lai kum 21 mi Umida Nazarova cu a sam ruangah a nunnak a liam. Svarmet factory ah hnaṭuan dingin interview ava nei, factory cu set thilri sersuahnak a si. Interview tuahtu in an factory sungah a vahpi ih hnaṭuandan pawl a khihhmuh.

Cutin interview-tu cu ca poimawh tuah ding aum ih ava tuah lawk, cumi hnu reilote ah dunglam avun zoh ih Umida cu a sam ruangah arak thi. A sam sau zet cu cet sungah a lut ih cet in a ei, a sam in a hngawng ah a ngerh ih cet in a sam a dirlut ruangah a sam in a rek that.

A luvun khal a hlit ih thisen in a khat, siizung ah an tlanpi nan nunnak arak nei nawn lo. A nu in, “A hngawng ah hliamhma nasa zet a tuar, a sam in a hngawng ah a ngerh ih a thi. Nunnak pahnih kan can, a naupai hi zarh 7 a kim zo.

Siizung ah tupa/tunu hmel mawite hmuh kan cak tuk, siizung ah kan fanu ih ruak hmuh hi kan duhmi a si lo” a ti. A ruak vuinak cu factory lamin an tumsak, cozah in a interview-nak factory cu daithlan ruangah thihnak thleng thubuai an orhter.

Be the first to comment

Leave a Reply

Your email address will not be published.


*