Naupai Telin Innsang Member 5 Cu That An Si

Sagaing, Depayin Township, Thayar Aye khua ah tualthatnak rapthlak zet a thleng. Innsang member 5 cu misual kuttuar in an thi ih an sumpai le an thilri khal an laksak.

November 23, 2021 zinglam nazi 3:00 hrawng an itthat thaw laitak ah misual in an va lutchilh ih an soisa ciamco hnuah an that. Mipa pakhat le nunau 4 cu thicia in hmuh an si, sualnak neilo mipi menmen an that ruangah tualsung mipi kilhimtu pawlin an dem zet thu an tarlang.

Tualsung mi pakhat in, “Innsang member 5 cu that an si, mipa pakhat le nunau 4 an si. Naupai lai pakhat a tel, huatawknak ruangih tualthatnak thleng a si ding ti kan zum. An sumpai ting 100 le sui le ngun khal an laksak. Tuisun ah kan vuiliam hngal” a ti.

Himi innsang member 5 thattu hi an tarlang lo nan tualsung mipi kilhimtu pawlin “Ralhrang nunrawng pawl vekih cangvaitu, suamhmang, tualthatnak pawl hi nasa zetin kan dokalh a si” tin an riahsiatnak thu an tarlang.

Be the first to comment

Leave a Reply

Your email address will not be published.


*