Naupai Theinak Dingah Sahring A Ei Ṭheu

Kum 35 mi Heidi Montag cu America lemcan thiam a si, a pasal Paul Saladino thawn fapa pakhat an nei. A pasal cu taksa cangvaihnak ih hnaṭuan a si ih sahring a ei ṭheu.

Fa pahnihnak neih an duh ruangah Heidi khal January 2022 ihsin sahring a ei thok. A fehnak tinkim ah sahring a keng ringring ih misenpi lak khalah sahring a ei hluahhlo.

Heidi in, “Sahring cu sul hrangah a ṭha, taksa hrangah siivai ṭha zet a si ih damlonak khal ka nei nawn lo. Naupai dingin kumkhat le hrek ka rak zuam rero zo, naupainak ding ahcun thil a phunphun ka saan vivo duh” a ti.

Leitlun ah sahring ei minung an tamtuk zo, taksa hrangah a ṭha an ti. Asinan, sibawi in ‘sahring ei a ṭha’ tin thu zianghman an suah lo.

Be the first to comment

Leave a Reply

Your email address will not be published.


*