Naute Kumkhat Mi In Hringtu A Pa A Kap Sual Ih A Thi

Georgia khawpi ih um pacang kum 25 mi Dustin cu a fapa neihsun kum 1 mi in meithal in a kap sual ih a thi. December 5, 2021 simlam nazi 5:30 ih thilthleng a si nan palik pawlin an thuhla cu December 14 lawng ah an tlangthan.

Venghnen pawlin meithal awn an theih ruangah palik pawl an ko ih an va zohfiah cu meithal kahnak hliamtuar Dustin cu an hmu, siizung ah an tlanpi hngal nan a nunnak cu an run thei nawn lo.

An thuhla an zingzoinak ah a fapa kumkhat mi in meithal load’aw cia cu a hmu ih a hmannak ah a hmetsual ih a pa cu a kap ngah pang ti an thei. Himi thihhlohnak cu accident pang ih thilthleng tin an ngankhum ih zohman thubuai an orhter lo nan palik pawlin zingzoinak an nei vivo ding.

Dustin in a nupi Tori le a fapa kumkhat mi cu mual a liamsan ih December 10 sun ah an khua ah an vuiliam tin Daily Mail thuthang sungah an tarlang.

Be the first to comment

Leave a Reply

Your email address will not be published.


*