Naute Pathum Cu 2, 2, 2022 Nazi 2:22 Ah An Suak

US ramsung ih um naute pathum cu an suah ni le caan hi a mak zet, an theihhngilh nawn lo ding ti a zumum. California ih um nupa tuakhat in fapa le fanu an nei zo, an fa pathumnak ding cu Kaiser Permanente Anaheim Medical Center ah an va nei ih 2, 2, 2022 sun nazi 2:22 ah a suak.

Mipa a si ih a hmin ah Zachriya tin an sak. Cuvek thotho in San Diego Medical Center ah nupa tuakkhat in an fa hmaisabiknak ding an nei ih 2, 2, 2022 sun nazi 2:22 ah a suak. Mipa a si ih a hmin ah Ramon tin an phuah.

Pennsylvania hospital khalah nupa tuakkhat in an fa hmaisabiknak ding an nei ih fanu te an nei, a hmin ah Freya tin an phuah ih 2, 2, 2022 sun nazi 2:22 ah a suak. Nuate pathum le hringtu nu pawl ih harhdamnak cu a ṭha thluh ih an lungawi zet tin an tarlang.

Kan dung khalah faphir unau hnih cu an suah ni le kum a bangaw lo ruangah leitlun mipi pawlin mak an ti tuk. An suah caan cu minute 15 lawngin a thlauaw thung, a upa sawntu cu kumhlum December 31, 2021 zan nazi 11:45PM ah a suak ih a nau sawntu cu kumthar zing January 1, 2022 zingthlapit nazi 12:00 ah leitlun nieng mawi a hmu.

Be the first to comment

Leave a Reply

Your email address will not be published.


*