Chile ram ah nga danglam zet an kai ngah. Tipithuamthum ih nga hawl pawlin nga mak zet cu a lu lam ihsin an awk ngah ih an lau tuk. Tipikap ah an thiarsuak ih tualsung mipi pawlin an zoh cece.
Nga cu feet 16 ih sau a si, online sungah a video pawl an tarlang ih Japan pawl an thin a phang. Japan pawl Thuanthu Roling sungah himi nga cu ‘ryugu no tsukai’ tin an ko, a san cu tipithuamthum zial phah ih um pathian innpi ihsin tipithuamthum dragon in leitlun mipi pawl hnenah ralring peknak a si’ an ti.
‘Ryugu no tsukai’ nga cu tipithuamthum zialphah ih tlangleng an si ih tipithuamthum tlunlam ah an um dah lo, siatnak rapthlak zet a thleng ding asilen tipithuamthum tlunlam ah an kaiso ṭheu’ an ti.
March 11, 2011 zingpit nazi 2:46 ihsin Japan ram ah rapthlak zetin ling a hnin ciamco ih mithi 16,000 an um. Tsunami a suak ih tipithuamthum parih um lawng tampi an hlo. Japan san thuanthu ah lingnin rapthlak bik an tonnak a si. Linghnin in inn le lo tampi a siatsuah ih hliamtuar 6,000 lenglo an um.
Himi linghnin a thleng hlanah Japan tipithuamthum ah tuiṭum ih an kaihmi vek nga hi 20 hrawng an rak kai. Tipithuamthum hnuailam ah cangvaihnak diklo aum zo ruangah tipithuamthum hnuailam ih um nga pawl cu tlunlam ah an ra kaiso si ding an ti.
Leave a Reply