Ngaman In Thailand Nauhak Kum 8 Mi A Keu, A Hmai Ah Arak Thong Ih A Luat

Thailand, Phuket khua ih um nauhak kum 8 mi Napat Chaiyarak cu tualsung mipi pawlin miralṭha tin an lawm rero. Zarhpi simlam ah a pa thawn tiva kap ah tak an va kolh, tiva ih aum rero laiah ngaman in a ke ah a keu.

A ke khatlam in ngaman cu a sit ih a thlah duh lo ruangah tisung ah a lut ih ngaman ih hmai ah a thong hnuah ngaman in a thlah. Cutin a nulepa in tiva ihsin an thiarsuak, ngaman ih keunak hliamhma ruangah a thisen suak tam zet.

Bangkok Hospital ah an phur ih Napat Chaiyarak in, “Ka ke naa ka ti tuk ih ka vun zoh cu ngaman in ka ke arak keu lai ka hmu. Ka thiltuar nat bik ṭum a si, a hmaiah ka thong ih in thlahsal” a ti.

Siibawi pawlin a ke hliamhma cu an zoh ih ngaman ih keunak hliamhma ti an theifiang, himi tiva kiangkap ah ngaman in minung a keu dah lo ruangah mak an ti zet. Ṭuanvo neitu pawlin tiva kiangkap ah ralrinnak ca an tar ih an kil ringring.

Ṭuanvo neitu in, “Hitawk kiangkap ih um ngaman pawlin nga lawng an ei ṭheu, minung an keu dah lo. Ngaman in nauahak ke a keunak san cu nga ah a ruat si ding, nauhak pate khal a huaisen tuk. A hliamhma pawl kan zoh tikah ngaman ih keunak a si, ngaman in a sualsal lonak cu a rawl ngai a si lo ti a theihsal ruangah a si ding” a ti.

Be the first to comment

Leave a Reply

Your email address will not be published.


*