Ni 14 Sung Hlo Nunau Unau Hnih Cu Damten An Hmusal

Rakhine State, Sondwin khua ih um nunau unau hnih Mazar Htwe (kum 17) le a nau kum 15 mi Mazar Za Lin cu March 6, 2022 ah an hlo. Innsang harsa zet an si ih nulepa ih hnaṭuan an bawm ṭheu, an khua kiang ramlak ah thing phur dingin an poksuak ih an hlo lanta.

An nulepa in palik sakhan ah mihlo thubuai an va thehlut zo, khuasung mipi pawlin an hawl rero nan an hmu thei lo ruangah an innsang pawl cu an thinhar zet.

Motor mawng pakhat in Hmawwin khua fehnak lamzin ah a hmuh thu an innsang hnenah a sim thei, Hmawwin khua cu an khua ihsin peng 20 lenglo in a hla. Hmawwin khua ah an va hawl ih an sungkhat inn ah an rak relh ti an hmusuak, March 21 zinglam nazi 8:00 ah tluangten an inn an thleng thei.

Mihlo hawltu U Than Hlaing in, “Motor mawng pakhat in Hmawwin khua fehnak lamzin ah a hmuh thu in sim thei ruangah Hmawwin khua ah kan va hawl ih kan hmu ngah. An damṭha zet, an nulepa in an duhmi thil an leisak lo ruangah an thinheng ih sungkhat inn ah an va relh thu in sim thei” a ti.

Be the first to comment

Leave a Reply

Your email address will not be published.


*