Nikhat Sungah Ṭek In Minung 70 Zikte A Tlak That

India ram, Uttar Pradesh, Madhya Pradesh le Rajasthan ramsung ah ṭek a tla ciamco ih minung 70 zikte rori an thih thu theih a si.

July 11 sunah Uttar Pradesh hmun dangdang ah ṭek a tla ih minung 42 an thi, hliamtuar khal tam zet an um. Rajasthan ah minung 20 an thi ih, cumi lakah nauhak 7 an tel.

Madhya Pradesh ramsung ah 7 an thi, an zaten kom cun 69 an si. India ramsung ah ṭek ih tlak thatmi an tam zet zo. Jaipur, 12th century Amer Palace khalah ṭek a tla ih minung 11 an thih thu theih a si, ruahsur lakah an zukaw ciamco ih ṭek in a tlak hai.

April 1, 2019 ihsin March 31, 2020 tiang ah ṭek in minung 1,771 zat a tlak that tin Annual Lightning Report sungah an ngankhum. Cun, 2001 ihsin 2018 kum sungah ṭek tlak ruangah minung 42,500 zat mual an liam zo tin NCRB ah an tarlang.

Be the first to comment

Leave a Reply

Your email address will not be published.


*