NLD Nupa An That

Mandalay Region, Myingyan Township ih um nupa tuakhat cu National League for Democracy (NLD) member an si ih July 2 zan nazi 7;00 hrawng ah zo ti theih loin an innsung ah an kap that. Kum 50 mi innsangpa U Moe Hein cu an khua Myingyan ih NLD upa pakhat a si.

June 26 ah ralkap kaihruaimi pawlkom Pyu Saw Htee in U Moe Hein tei nupa telin Myingyan ih NLD member 38 ih hmin cazin an rak tarlang ih ralrinnak an pe.

An khuasung ih cozah zung, tlawnginn, siizung hnaṭuantu le cozah hnaṭuantu pawl tuahmawh an tong asilen NLD member 38 parah hremnak an pe ve ding thu an rak tarlang.

U Moe Hein tei nupa cu an relh ringring lawk nan an relhnak ihsin an tlung hnu nikhat/nihnihnak ah that an tong. Mandalay Region, Myingyan Township ah ralkap pawl ih kaihruaimi Pyu Saw Htee pawlkom cu an cangvai nasa.

Pyu Saw Htee member pawl cu an tam zet ih ralkap innsang, fale le ralkap cozah dinpitu pawl an si. Ralkap in training an pe hnuah ralthuam an keng, Pyu Saw Htee pawlin tlawnginn le hmun dangdang ah bomb an puah ṭheu, asinan bomb puahtu ah mipi kilhimtu PDF pawl an zuarthlai thung.

PDF pawlin tlawnginn le mi pangai umnak building tivek ah bomb an puah lo thu an phuang ve. June thla ah Myingyan ih dalan pakhat cu zo ti theih loin an that ruangah ralkap in an kaihmi NLD member ih fapa 2 an kap that ve.

Be the first to comment

Leave a Reply

Your email address will not be published.


*