NLD Zung Hmai Ih An Tar Mi Milai Lu Cu An La

Tanintharyi, Yebyu ramsung ih um National League for Democracy (NLD) zung hmai ah milai lu an tar ih a rapthlak tuk. A hmai khal a thling thluh, zo a si ti an thei hrih lo. October 23 ah mibawmtu pawlkom Sacred White Water Charity in milai lu cu an va la ih siizung ah zohdiknak nei dingin an phur.

Himi milai lu la dingin ralkap pawlin mibawmtu pawlkom SWC cu an theihter. Ralkap pawlin an hmu nan ziangtin hman an tuah duh lo ih an tlansan hnuah mibawmtu pawl hnenah an sim thei. October 22, 2021 zinglam ah vengsung um mipi pawlin NLD zung hmaiah milai lu cu an hmu ih an áš­ih zet.

Milai lu hnuaiah capi pakhat an tar ih “Dalan thianfaitu pawlin dalan an thianfai a si. Dalan pawl cu an thiltuah mi an relsuak ngam lo, kannih cun kan thiltuah mi pawl kan tarlang hnuah kan relsuak. Dawei Guerrilla Revoultion Force” tin an ngan.

NLD zung hmaiah milai lu cu online tualrawn parah a darh ciamco. Himi thuhla ah mipi kilhimtu Dawei Guerrilla Revoultion Force (DBRF) pawlin anmai tuahmi asilo thu an rel, ralkap pawlin milai lu an tar hnuah mipi in DGRF pawl hmusual hai seh ti an duh ruangah hitin ca an tar” tin thu an suah. NLD zung ah veihnih bomb arak puak zo, bomb a puak hlanah zung kiangkap hrawngah ralkap pawl an um thu kiangkap um pawlin an rel.

Be the first to comment

Leave a Reply

Your email address will not be published.


*