KNDF Pawl An Bawmnak Ah A Nunnak A Liam

May 13, 2022 sun ah Kayah ramsung ah ralhrang le tualsung mipi ralkap KNDF pawl an kapaw ciamco. Free Burma Ranger pawlin KNDF cu an va bawm ih cutawk ah FBR hotu pakhat Nyein Yan Aye ih nunnak a liam.

Nyein Yan Aye cu Joe John tin an ko, 2014 kum ah Free Burma Rangers (FBR) ah a lut ih training a kai. 2015 kum ah training a kai ṭheh ih FBR ah hruaitu pakhat a si. FBR ah training kai ṭheh ih hruaitu ṭuan hmaisabik a si.

Ralhrang in ramsung thuneihnak an lak hnuah Karen tlawngta 200 lenglo cu FBR in traning an pe, cutawk ah training petu a si. May 13 sun ah ralhrang le KNDF pawl an kapaw ciamco, FBR in an va bawm. Doawknak tualrawn ah Joe John kiangah ralhrang pawl ih bomb a tla puak ih a awm ah hliamhma a tuar, cumi hliamhma in a nunnak a liam.

FBR ṭuanvo neitu in, “Kan rinsan zet mi mino in mual in liamsan cu kan ui tuk” a ti. Kumkhat sungah ralhrang pawl ih meithal, bomb ruangah Free Burma Ranger (FBR) ihsin miralṭha (4) an thi zo.

Be the first to comment

Leave a Reply

Your email address will not be published.


*