North Korea Ah Bawngbi Tet Hruh An Siang Lo

North Korea ram hi leitlun ih miharsa pakhat an si. An ramhruaitu Kim Jong-un (kum 38) in a duhdan in a kaihruai. Tu’ah an ramsung ah bawngbi tet hruh an siang nawn lo, dawr khalah bawngbi tet zuar an siang lo.

The Socialist Patriotic Youth League pawlkom in hmailaknak an nei ih an daanthar thlunlotu pawl cu hremnak an pe ding. Ṭuanvo neitu in, “Ramdang nunphung cawng lo ding, kan nunphung hnipuan hruh uar ding” a ti.

Tualsung mi pakhat in, “Khuatin ah zohdiktu pawl an um thluh. Lamzin ih feh mino pawl cu an dingter ih an phone khal an zohsak. Ziang hla na ngai ṭheu, ziang zuknung na zoh ṭheu? tin an sut. Ramdang hla le zuknung zoh khal an siang lo” a ti.

Be the first to comment

Leave a Reply

Your email address will not be published.


*