North Korea In Ukraine Buainak Ih Hrampi Cu US A Ti, China In North Korea Thawn Hnaṭuan Tlang Dingin A Sawm

Russia in Ukraine ram ava kap ciamco cu Ukraine ram a kap lo, Ukraine ramsung ih phumaw thup US le a hnaṭuanpi ram pawl a kap tin mithiam pawlin an rel. Ukraine ramsung ih um State pahnih Donetsk le Luhansk hi Russia milesa an si ih Ukraine ram uknak an duh lo, kum reipi sung Russia milesa kan si tin tapung an tho.

Himi State pahnih hi Ukraine in kum reipi sung arak kap rero zo, Ukraine ih ralthuam, meithal pawl cu ramdang pawl ih bawmmi a si. Russia in kap nawn lo dingin le ramdang pawlin Ukraine hi bawm nawn lo dingin ca a kuat nan ziangah an rak siarlo.

Cumi ihsin buainak a thok, Russia ram cu a supaw thei nawn lo ruangah Ukraine ramsung ah ava lut ih Donetsk le Luhansk State pahnih cu zalennak a phuangsak, cumi hnuah Ukraine ram pumpi ih lak thluh lawlaw a tum.

Himi an buainak thuhla cu North Korea in, “Ukraine ramsung buainak ih a hrampi cu US le a hnaṭuanpi pawl an si. Russia ih dilnak nan cohlang lo ruangah a si. US, thazang na nei nawn lo asilen na tuar ding” a ti.

Cutik laiah China President Xi Jinping in North Korea hnenah ca a kuat ih ‘thilthar tuah ding ka nei ih ra telve aw” tin ca a kuat. A thilthar tuah tummi cu ziang a si ti an pholang lo, Kim Jong Un khalin Beijing Winter Olympics Games thuhla ah lawmpinak ca arak kuat zo.

Be the first to comment

Leave a Reply

Your email address will not be published.


*