North Korea Nunau Ralkap A Tlansuak Ih Ralkap A Ṭuan Lai Ih A Thilton Rapthlak Zet A Phuang

North Korea ram hruaitu Kim Jong-un (kum 37) ih sualzia cu leitlun mipi pawlin an thei thluh. 2015 kum ihsin an ramsung ih nunau tlawng theh, buaih an ngah veten ralkap ah lotheih loin an ṭuanter thluh ih kum 23 an kim tikah an duh asilen ralkap ihsin an suak thei timi daan hngetkho zet an nei.

North Korea nunau ralkap pakhat cu an ram ihsin a tlansuak thei ih tu’ahcun US ramsung ah a um zo, a hmin cu Jennifer Kim tin media pawlin an tarlang sak. Jennifer Kim in, “North Korea nunau ralkap 70% in pawngsual, puahcok an tong.

Hrem le vuakvelh an tong ringring ih rawlei ding khal khopkhamten in pe lo, kei khal puahcok ka rak tong ringring. Rampi thurawn petu ralbawi in a office ah in ko cun ziangthil a thleng ding ti cu ka theicia, ka duh lo asilen Workers’ Party of Korea ah mi hlawhtling lo ti ka si dingih ka hmailam caan ih ka hringnun cu siatsuah a si ding.

North Korea ramsung hna ṭha ka ngah thei nawn lo dingih pasal ka neih tik khalah dinhmun sia in kan um ding. Curuangah ralbawi in in itpi ṭheu, nau ka pai ih ka naupai lai cu mitsii tel loin operation an tuah ih ka naupaimi cu an hlon. A natdan cu tuini tiang ka tuar lai, himi thil ka ton ruangah nau ka pai thei nawn lo. North Korea nunau ralkap pawlin hmuhsuamnak nasa zet an tong ringring” tin media hnenah a sim thei.

Be the first to comment

Leave a Reply

Your email address will not be published.


*