Norway Tleirawl Cu Covid-19 Khamsii A Dawt Hnu Ihsin A Pawhte A Tum, India Pitar Mitcaw Cu Khua A Hmu Theisal

Tulai cu Covid-19 khamsii dawt awk rero lai caan a si, Covid-19 khamsii ih side effects pawl cu khuasik, luna, taksa naa tipawl a si ih ni 2/3 ahcun a rehsal ṭheu. Covid-19 khamsii cu a tlangpi thu in a ṭha an ti, a ṭhalo titu cu pakhat/hnih hrawng lawng an si ding.

Norway tleirawl kum 17 mi Emma khal Covid-19 khamsii Pfizer vaccine a dawt ve ih, a dawt hnu ihsin a pawhte a tum deuhdeuh thu theih a si. A bawli khal a tum pawl a hman ṭul phah.

Emma in “TikTok video ka post ih mipi in ka pawhte a tum ti an rak theithiam cih. Ka mangbang tuk ih online sungah ka zingzoi cu US ramsung khalah hivek rak tong an um hnuaihni ti ka thei” a ti.

Sibawi cun “Thinphang ding aum lo, camkhat sung (temporary) lawng a si. A rehsal mai ding” a ti. India, Washim district ih um pitar kum 70 mi Mathurabai Bidve khalin danglam zetin side effects a tong.

Pitar Mathurabai Bidve cu kum 9 sung a mit a mal zo, khua a hmu thei lo. June 26, 2021 sun ah Covid-19 khamsii (Covishield) aveikhatnak ava dawt aw ih a thaizing ihsin a mit khatlam cu 30-40 percent in khua a hmu theisal thu theih a si.

Be the first to comment

Leave a Reply

Your email address will not be published.


*