“Nu, Tuizing Cu Tlawng Ka Kai Paih Lo. Inn Ah Ka Um Duh” Tin A Nu Hnenah A Ngen Rero Nan A Nu In Tlawng A Kaiter Thotho, Tlawngta 19 Thi Lakah A Telve

May 24, 2022 zinglam nazi 11:32AM ah mino kum 18 mi Salvador in tlawngta nauhak pawl a kap ciamco ih nauhak 19 le zirhtu 2 an thi. Salvador khal palik pawlin an kap that ve.

Tlawngta nauhak 19 thi lakah nauhak kum 10 mi Jailah khal a tel. Himi zing ah Jailah in a nu hnenah, “Nu, tuizing cu tlawng ka kai paih lo. Inn ah ka um duh, na kiangah ka um duh” tin a ngen rero nan a nu in, “Tlawng na kai a ṭul” tin ava thlah.

Cumi hnu nazi reilote ah misual in a kap that, a cousin thawn an ittlang. A pi in, “Himi zingah Jailah cu tlawngkai a paih lo. Inn ah aum duh ih a nu hnenah a ngen rero nan a nu in a siang lo. Tu’ah a nu cu a thiamaw lo tuk, a riahsia tuk. ‘Inn ah rak lo umter men sehla maw’… tin a ṭap rero” a ti.

Be the first to comment

Leave a Reply

Your email address will not be published.


*