NUG In Rohingyas Thuhla A Buaipi Ding

Leitlun huap court sangbik International Court of Justice (ICJ) in arak buapi rero mi Rohingya thuhla cu Myanmar mipi cozah NUG in a buaipi ding thu a phuang.

2016-2017 kum ah Myanmar ralkap pawlin a ramsung ih um Rohingya miphun pawl cu ti cimit arak tum. An inn le lo a urkang sak ih an nunau pawl a pawngsual, nauhak tete khal an that.

Rohingya miphum 700,000 hrawng cu Bangladesh ramah an tlan. 2019 kum ah Organisation of Islamic Cooperation (OIC) aiawh in Gambia ramin Myanmar cozah cu taza a cuai. December 2019 ah Myanmar thuron petu Daw Aung San Suu Kyi in leitlun court hmaiah Myanmar rampi cu arak humhim ih an thubuai cu a feh rero lai.

2021 kum ah Myanmar mipi cozah National Unity Government (NUG) in Rohingya thuhla buaipinak ih a tel ding thu a phuang. Leitlun huap court ICJ thawn hna an áš­uantlang dingih Rohingya pawl hrang thudik an phosuak tum.

NUG palai Dr.Sasa in “Kan ulenau Rohingya pawl hrang lairelnak dik aum theinak dingah leitlun huap court ICJ thawn hna kan áš­uantlang ding” a ti. Myanmar ralkap cozah in Rohingyas pawl ko kirsal cu an duh lo, mipi cozah NUG khalin ko kirsal ding thuhla cu an relsuak lo.

Be the first to comment

Leave a Reply

Your email address will not be published.


*