NUG Thuthang Phuangtu Khal Meithal Thawn…

Fala kum 34 mi Mya Hnin Yee Lwin cu Myanmar actress le model hminthang zet a si. Zuknung khawvel ah a hlawhtling zet, ‘Angel of Eden‘ timi zuknung ihsin mipi pawlin kan hmeltheih phah.

Myanmar ramsung a buai veten ralkap cozah duh loin lamzawhnak ah a tel ṭheu, lamzin par le online sung khalah nasa zetin ralkap uknak cu a dodal. Curuangah ralkap pawlin April 6, 2021 ah pukmah 505 (a) hmangin thubuai an orhter ih kaih an tum, hmunhimnak ah aum zo ih NUG aiawh in thuthang a phuang ṭheu.

Meithal keng phah in hmunhimnak aum ih Thailand mipi pawl khalin an uar zet, an thuthang cahmai khalah a zuk cu an tarlang ih, “Burmese actress Mya Hnin Yee Lwin cu Faculty of Psychology from Dagon University ihsin a zirsuak hnuah zuknung khawvel ah a lut. Tu’ahcun Hanthawaddy Force (PDF) ah aum lai” tin an tarlang.

Mya Hnin Yee Lwin cu NLD party a si ih Daw Aung San Suh Kyi tan zettu a si, cun mipi in ‘Suh Kyi thawn an bangaw tuk’ an ti ṭheu. Mya Hnin Yee Lwin in, “Rampi a ṭhanak dingah nunnak hlantu pawl, rampi a ṭhanak dingah lamzin sialtu pawl, sualnak neilo thinsen a luang mi pawl hrangah a cemnet tiang kan do vivo ding” a ti.

Be the first to comment

Leave a Reply

Your email address will not be published.


*