Nun Thuthup: Pu No Than Kap

Pu No Than Kap: “Kum 40 ah “Cathiam sang le niam” an bangaw (Cathiam lo deuh khal a lian sawn thei). Kum 50 ah “Hmelṭha le sia” an bangaw (Thuh theih lo in hmaivun ah dum le bo an suak, vun a cuar). Kum 60 ah “Sinak sang le niam” an bangaw (Hmunphiat hman in a bawi hlun zoh ṭha paih loin a um thei).

Kum 70 ah “Inn tumpi le fate” an bangaw (Ruh le cang a na, vak sukso a har, ṭulmi cu hmun bite lawng). Kum 80 ah “Paisa nei le nei lo” an bangaw (Paisa hman duh hman ah ziang ah hman ding ti theih a har). Kum 90 ah “Ihthat le ṭhangharh” a bangaw (Na harh khalle ziang ka tuah ding ti na thei cuang lo).

Curuangah, A nuam zawng in um thiamaw. A net ah kan zaten kan bangaw thluh. HMANSEH Thi thei lo kan thlarau taksa cu hnuk a cah veten, Hell le Vanram feh kan um ding ruangah, kan bangaw lo nasa.

Kum 100 hman rei lo kan nun netnak ah, kan leihring nun bangaw thluh hman sehla; Cem dah nawn lo Kumkhua hrangih kan thlarau taksa umdan ding cu Lei le Van vekin a danglam. Nathei le thithei kan lei-taksa maw thupi deuh ah na Ret; Ziangtik hman ih Nathei lo, Thithei lo na thlarau-taksa thupi sawn ah na Ret? Na hril sual pang ahcun!”

Be the first to comment

Leave a Reply

Your email address will not be published.


*