Nunau pahnih le mipa pahnih an neiaw ih fate pahnih an nei zo, an fate pahnih cu zawi fa sawn a si ti khal an thei lo. An nupa-nun cu tualsung mipi pawlin an soisel zet nan ziangah an siarlo ih an nupa-nun a ṭha sawn an ti, an innsang ah midang hruaibet an tum nawn lo.
2015 kum ah mipa kum (45) mi Sean le nunau kum (27) mi Taya an neiaw, 2012 kum ah Mipa kum (35) mi Tyler le Alysia (kum 33) an neiaw ih fapa kum (8) le fanu kum (6) mi an nei. 2019 kum ah online fehtlang in an tongaw ih Taya le Sean tei nupa in umtlang khawm dingin an sawm.
Inn pakhat ah an umtlang khawm ih an ittlang thluh, a tir ahcun an karlak ah thikawknak aum nan tu’ahcun an theithiam aw thluh zo. An neihawk hnuah Alysia le Taya in fa pakhat veve an nei ih hringtu pa cu zo a si ti an thei lo.
Taya in, “Midang kan rak kop dah lo, kan zaten kan tonawk veten kan duhaw thluh hngal. Kan hringnun hi midang in an theithiam thei lo, duhdawttu tampi neih cu thilṭha a si. Atthlak zet a bang nan kan nuamaw zet ih kan umtlang vivo ding. Zankhat ah mipa pakhat kan thlengaw ringring, kan pasal pawl cu zantinten room dangdang ah an riak” a ti.
Leave a Reply