Nunau 3 That An Tong

Shan State, Kengtung khua ih um nunau pathum cu December 11, 2021 zan nazi 9:00 hrawng ah that an tong, an ruak ah hliamhma nasa zet hmuh a si.

KengTung khua, ahmat 2 lamzin, Keng Lan veng sungih um inn pakhat ah thicia in hmuh an si. Tutiang ah zopawl in an that ti an thei hrih lo ih an zingzoi rero lai. Mibawmtu in, “Mizan ah kan veng sungih um nunau pathum cu that an tong, kum upa lam an si. Kum 50 hrawng mi hlir an si, zopawl in an that ti cu kan thei hrih lo” a ti.

Nunau pathum pawl cu bazar ah sumpai thleng ih hnaŠĻ≠uan tlang an si, ralhrang in ramsung thuneihnak an lak hnu ihsin an khuasung ah rukru le suamhmang an tam zet thu khal tualsung mipi pawlin media hnenah an sim thei.

Tualsung mi in, “Kan khua hi a him nawn lo tuk, rukru an tamtuk. Suamhmang khal an pung ciamco, nitinten bike a hlo. Nikhat ah bike 3/4 tla a hloh caan aum, tuikum sungah thil rapthlak zetzet a thleng zo. Ahlan ah hivek thil a thleng dah lo” a ti. Kan dung khalah ahmat 1 veng sungih um nunau pakhat cu a bike rutu in a that zo.

Be the first to comment

Leave a Reply

Your email address will not be published.


*