Tulai ah surgery tuahawk cu a lar zet, ṭhenkhat cu an mawinak dingah le larnak duh ah surgery in an hmuihmel an tuah danglam aw. Ṭhenkhat cu an sualnak pawl khuhnak dingah an tuah ve thung.
Malaysia, Kelantan khawpi ih um nunau 8 cu palik pawl ih kaih an ṭih ruangah surgery in an hmuihmel an tuah danglam aw. Himi nunau (8) cu suamhmang an si, tual an that ih ruk an ru ṭheu ruangah palik pawlin kai dingin an hawl.
Palik pawlin an hmuihmel an tuah danglam aw ti an thei nan an kai thei hrih lo, kum 17 sung mipi lakah an tlangleng rero lai. Palik bawi in, “Kelantan nunau 8 cu palik kutsung ihsin luat an duh ruangah sugery in an tuah danglam aw.
Ṭhenkhat cu Kelantan khawpi ah an um lai ding, ṭhenkhat cu Thailand ram ah an tlan ih pasal an va nei zo. An innsang pawl kan pehtlaih nan ziangthu hman in sim ṭha duh lo, an pehtlaih thei lo thu lawng in sim thei. Palik hrang khalah a buaithlak zet nan kai dingin kan hawl vivo ding” a ti.
Leave a Reply