Nunau A Itpi Tinten Hlawh An Pe, Khawtlang Hmanmi A Si Ih Nunau 104 Ai Tam A Itpi Zo >>>

Africa, Malawi ramsung ih um pawl ih nunphung danglam zet an nei. Hlanlai pi ihsin an rak hmanmi a si ih tuini tiang an hmang rero lai. Nunau tleirawl thi an neih veten khawtlang ih hman theumi pacang Eric Aniva (kum 40 hrawng) mi in ni 3 sung a itpi tengteng a tul, tleirawl in arak duh lo asile a sungkua, an khawtlang ah siatnak nasa zet a thleng ding vek ah an ruat, thihnak rapthlak tiang a thleng thei an ti ruangah tleirawl pawl khalin an itpi theu.

Cun, nauhak ihsin puitlingnak pakhat khal a si ih pasal an neih tikah pasal diriamnak an pe thiam ding an ti. Hivek ih an hman ṭheumi mipa cu ‘Hyena’ tin an ko, an ramsung hmun dangdang Hyena 10 an nei. BBC pawlin thu an va sutnak ah Eric Aniva in ‘nunau tam zet ka itpi zo nan 104 lawng ka hminsin thei’ a ti, naupai le fa nei zo khal an um.

Tleirawl lawng a itpi lo, pasal ih thihsan mi pawl khal ti thianghlim an tul tin a itpi theu. An nau a siat asile ti thianghlim an tul lala tinak a si, a itpi theumi tleirawl pawl cu tlawngkai lai kum 12-13 karlak mi an si deuh tlangpi. An ning a zak lo ih an suangaw sawn lam, mi lakah a itpi thu an rel theu ih mipa diktak a si, nunau ti lungawi dan a thiamtuk tin an fak rero sawn.

Nupi 2 a nei ih a nupi pakhat cun a hnatuan hi a duhpi lo tuk nan an sum laklutnak a si ruangah daiten a umsan. Veikhat a itpit man ah $4 & $7 (£3 to £5) zat an pe theu. Kawhhran, NGO le cozah lam in an nunphung fehdan cu thleng danglam dingin an fial theu nan an hlawhtling thei hrih lo.

Malawi ramsung ih an ṭihbik mi natnak cu HIV/AIDS a si nan an ‘Hyena’ pawl cu nathrik nei thei lo dingah an ruat. BBC thuphuangtu Ed Butler in Malawi ramsung ah HIV/AIDS nathrik nei an tamtuk ruangah Eric Aniva hnenah na nei ve maw? tin a sut.

Eric Aniva in HIV nathrik a nei thu a sim ih a itpi mi tleirawl pawl ih nulepai hnenah cun ka sim dah lo a ti (Ti thinaghlimtu si loin nathrik pungter tu arak si sawn). Ed Butler in BBC hnenih a simdan “HIV a nei ti ka theih ihsin ka mithmai umdan a dik lo ti a theithiam ih thaten in sim duh nawn lo. Himi hna hi ka cawlhsan ding tin in sim’ a ti. (#BBC)

Be the first to comment

Leave a Reply

Your email address will not be published.


*