Nunau Lamzawh Hmaisabik Tu Khal Ramlak Ah Kuangkuah A Hawl Rero

Kum 26 mi Ei Thinzar Maung cu Myanmar ramsung buainak ah nunau lamzawhnak hmaisabik tu a si, lamzawhnak ah phur zetin mipi pawl a kaihruai. Curuangah ralkap pawlin kaih an tum ih ramlak ah a tlan, tu ahcun zanriah ding kuangkuah a hawl rero lai zuk cu online parah an tarlang ih mipi in an lawm zet.

National Unity Government (NUG) cozah ah nunau le nauhak pawl hotu Deputy Minister a áš­uan. Tlawng a kailai khalah Student Union of Yadanabon University ih an hruaitu bik a si.

Kum note ramkhelhnak ah a lut ih March 10, 2015 ah lamzawhnak ih a tel ruangah an kai ih Thayawaddy Prison thawnginn sungah an khum. Thawnginn ihsin a suah hnuah Democratic Party for a New Society (DPNS) party in 2020 kum hrilawknak ah a tel nan nehnak a co lo.

February 1, 2021 ah ralkap pawlin thuneihnak an lak veten mipi pawl hoha in lamzawhnak ah a poksuak, tu’ahcun ramlakah aum rero lai ih rampi zalennak kan ngah tikah cun mipi pawl kaitruaitu ding pakhat a si.

Be the first to comment

Leave a Reply

Your email address will not be published.


*