Nunau MP Cu A Hnipuan Hruh Ruangah Meeting Ihsin An Suahter

Condester Sichwale cu Africa, Tanzania ramsung ih naunu MP ṭuanlai a si. An ram hruaitu pawl an tongaw khawm ih meeting an nei. Meeting kaihruaitu Huessein Amar in Condester Sichwale cu a hnipuan hruh ruangah meeting ihsin a suahter.

A bawngbi hruh a (tet) tight tuk a ti. Huessein Amar in “Tulai nuanu pawl ih hnipuan hruhdan cu kan theithiam ko, asinan MP pawl ih hruh ding hnipuan a si lo.

Tanzania ram hruaitu pawl cu Tanzania ih thlalang kan si, a bik takin nunau MP pawl nan fimkhur a ṭul” a ti hnuah a suahter. Cun, hnipuan a thlengawk hnuah meeting ra kaisal dingin a fial, ava kaisal maw ti cu theih a si nawn lo.

Parliament ihsin a suah lai zuk cu online sungah an tarlang ih online mipi pawlin an meeting kaihruaitu cu an soisel ciamco. “A bawngbi hruh khal a tet (tight) lo, mipa ve si nunau hnipuan rak soisel hmang pawl hi cu ka hua tuk” an ti celcel.

Be the first to comment

Leave a Reply

Your email address will not be published.


*