Shan State, Namhsan khua ih um pacang kum 36 mi in a fanu kum 8 mi a pawngsual. Kan dung Kawl titawih puai laiih thilthleng a si ih tu lawngah an thuhla a darhsuak.
An thuhla buaipitu in, “Thu kan va sut ih Kawl titawih puai laiah a pawngsual, a ni le caan cu an theifiang nawn lo. Nauhak nute cu a pi kiangah a it ṭheu. A pa hi zu a rit tinten a fanu cu hmun dangah a hruai. A feh duh lo asilen a pi kiang ta cu ava dirsuak thotho ih a sualpi. A serh khal a naa” a ti.
Mai fanu sualpitu pacang U Win Thu cu Mandalay peng, Mahlaing khuami a si. Namhsan khua ah hnaṭuan in aum ih nupi anei, a nupi thawn fanu pahnih kum 8 mi le kum 3 mi an nei.
A fanu kum 3 mi khal a puahcok ṭheu. November 2021 ah a nupi in a thihsan, U Win Thu hi zu in ringring mi a si. TNLA pawlin an thuhla an theih veten May 25, 2022 sun ah an va kai ih hremnak an pe ding.
Leave a Reply