Nunau Pakhat Cu An Kaihrem Ih An Pawngsual Ciamco Hnuah Rawl An Suangter, Minung Sa An Eiter

Africa, Democratic Republic of the Congo ramsung hi an buai nasa zet. Cozah ralkap le hriamkai pawlkom dangang pawl an kap aw ciamco. May 28 ihsin June 17 sungah nasa zetin an do aw ih sualnak nei lo khuasung mi 150 an thi. Khuasung mipi tam zetin an inn le lo an suahsan.

Tualsung nunau pakhat cu CODECO ralkap pawlin an kaihrem ih duhtawk in an pawngsual ciamco. Ni reipi sung an sualpi hnuah rawl an suangter. An kaihmi nunau cu a tlansuak thei zo ih UN le nunau humhimtu pawlkom in an kilkhawi.

An hnenah a thilton rapthlak zet cu a sim thei. Hmin tarlang lo nunau in, “Ralkap pawlin in pawngsual ciamco. Mipa pakhat ih hngawng ah nam in an at ih a sungril pawl an phorhsuak thluh hnuah a sa cu in suangter. Tidai burhnih lawng in pe, minung sa cu thawngtla pawl in eiter thluh.

Cumi hnuah in suah zalen nan lamlak ah hriamkai pawlkom dangin in rak kaisal. In pawngsual thotho ih minung sa in eiter. A thupten ka ra tlansuak thei” a ti. Congo ramsung buainak hi kum 20 lenglo a rei zo.

Be the first to comment

Leave a Reply

Your email address will not be published.


*