Nunau Pakhat In An Inn A Zuar, A Pasal Hlun Thawn Na Lei Kop Duh Asilen A Man A Lo Ṭhum Ding

Florida, Panama City Beach ih um nupa tuakkhat cu kum 7 sung an neihawk hnuah buainak neuhneuh an nei ih an ṭhenaw, asinan an ṭhenawk hnu khalah an umtlang lai.

Rualpi vekin an umtlang ih an remaw zet, tu’ah innsang nu kum 43 mi Crystal in a pasal hlun thawn ṭhaten ṭhenawk fel a duh ruangah an umnak inn cu a zuar.

A pasal cu himi inn ah aum duh lai ruangah a inn leitu in a pasal hlun khal a umter duh asilen an inn man cu a ṭhumsak ding thu a tarlang. Crystal in, “Ka pasal hlun hi nan hmang tangkai zet ding, rawlsuang khal a thiam tuk, inn tifai khal a thiam tuk.

Inn lam hnaṭuan a lo bawm ṭheu dingih aumnak room pakhat nan pe ve ding. Kan inn man cu £699,000 zat asinan ka pasal hlun thawn nan leikop duh asilen ka lo ṭhum ding” a ti. A pasal hlun khalin Crystal ih thuthluknak cu a lungkim, an inn le a pasal hlun lei duhtu an um hrih lo ih na duh asilen na lei thei.