Nunau Ruangrai Fate Cu >>>

(1). Mi ngol san dan le mi hnoh dan cu talent an donmi a si ruangah an thiam zawng a si ih special rori’n lem an țul.

(2). Tualleng nauhak te men bangin an duhmi thil cu lo theih lo’n mi ngen leuhleuh an hmang ih an duh zulh thiam a țul.

(3). Vanruah a sur caan ah thawng, ni a sat caan ah phenthlam, khuasik caan ah kawr hlum tipawl cu ralring cia in a kiangah um ringring aw.

(4). Mi va capoh le mi va roh cu an paih thei zet, asinan anmah vun roh sal le vun capoh sal cu an duh lo lawlaw.

(5). An lungawi zawng tuah na duh asile ei le in lamah țanlak pi țheu aw. An pum hmuh vek le langdan vek a si hrimhrim lo, an pum ngaihtuah in ei le in lam ah cun zohman ih neh theih rual an si lo.

(6). Phone na call asile “sile, kha vial aw” ti’n phone off pang hrimhrim hlah, ziangahtile hmakhat te ah buainak cok tho lohli an hmang.

(7). Mipi tamnak hmun le zohman umlonak hmun tin an care ve hrimhrim lo, an tuah duhmi an tuah ngah hnuhnu cun lungawi emem ih um nute pawl an si.

(8). Țongkam lam khalah tlaksamnak zianghman an nei lo, ruat lawk loin an țong peh zutzo thei, țahben lam khalah pakhatnak an si thotho.

(9). Ngol lam cu anmai ta lawng vek ah an ruat, an tlangval a ngol ve asile a ziang ih va lem lamlam anmah sawn riangri an ngol bet. (Credit: Van MalSawm Pek)

Be the first to comment

Leave a Reply

Your email address will not be published.


*