Shan State, Namhsan khua ah tlangval pakhat in vengsung ih um nupinu a sualpi ruangah tualsung mipi ralkap TNLA pawlin mi sualpitu cu an kai.
June 17 sun nazi 1:00 hrawngah kum 44 mi nunau cu an inn parah a itthat. An innkiang hmuan sung ihsin tlangval kum 22 mi Maing Aik Tun cu ava feh ih inn parah a kaiso ih nunau cu a puahcok.
Pawngsual tongtu in media hnenah, “Hitin in tuah lo dingin ka ngen rero nan ‘zianghman a si lo. Zohman in an thei zik lo tin ka duh lo nacingin in sualpi” a ti.
An thawmvang cu an innhnen pawlin an rak thei ih an va zohdik ruangah Maing Aik Tun cu a tlansuak. TNLA hnenah an sim thei ih Maing Aik Tun cu an kai ih a phutawk hremnak an pe ding.
Leave a Reply