Nunau Thil @ Ihsin Khuasia A Dawisuak

Thailand, Ratchaburi ah dawithiam in nunau serh sungih um khuasia a dawisuak. Nunau in a serh sungah khuasia aum a ti. kum 25 sung arak um zo ih harsatnak phunphun a pek thu a sim. Denmark ramah arak um ringring lawk ih siizung ah a piahaw ṭheu nan an siivai pekmi in a neh lo.

Curuangah Thailand ram ah ava tlawng ih khuasi dawitlan thei Ajahn Koongawee Seesayam cu a tong. Ajahn le a kuthnuai tlawngta in a seh sungih um khuasia cu an dawisuak, khuasia dawinak ih an hman ṭheumi funghreu cu nunau pum parah an ret ih a tlawngta in nunau ih serh cu napin a nam.

Khuasia dawisuahnak ṭongkam a sam rero ih a tlawngta in , “Khuasia, suak aw, suak aw” a ti rero nan an hlawhtling lo. Ajahn Koongawee in a tlawngta ih lu ah a kut avun suang ih, a tlawngta in a tha neih muah suah in nunau ih serh cu a namsal hnuah ‘Khuasia, suak aw…’ an ti.

Nunau in minute 14 sung cu naa a ti tuk ih a talbuai ciamco hnuah khuasia cu a suak, a damṭha vuarvi in a theiaw. Online mipi pawlin nunau-mipatnak lam ih hmuhsuam awknak a si an ti nan an pahnih lungkimnak ih an tuah thu an rel, nunau in dawithiampa hnenah lungawithu a sim rero.

Be the first to comment

Leave a Reply

Your email address will not be published.


*