Nupa Ṭangṭhen Hnuah Mipa Pawlin Ṭangdang An Lawi Lohli Ṭheu, A San >>>

Ngantu: Rosie Sui, “Mipa nupi ih thih sanmi pawl khi ziangruangah nupi an nei sal lohli? Zuun an tuar ve lo maw si? Tu baite ah ka hnaṭuannak in training in kai ter ih thinlung lam sibawi in zuuntuar thu in zirh.

Amah hi hospice (natnak besia zet nei dam thei nawn lo ding pawl tuamhlawm nak ) ah kum reipi hna a rak ṭuan zo ih, tonteh mi khal tampi a nei. Sibawi nu nih a simmi cu mipa nupi ih thihsan mi pawl a tam sawn cu, nunau pasal ih thihsan a tuartu pawl hnakin koppi an hawl lohli awl a ti.

Ziangruangah tile mipa leh nunau hi kan mizia a bang aw lo. Ahleice in nunau tam sawn ih kan mizia cu rualpi thawn thuruah awk kan hmang ih, cutin kan tuarnak pawl kan ṭang sungah awm men lo in kan phorh suak ih kan sim aw tawn ṭheu ruangah mal tuk in mipa vek in kan thei aw lo.

Asinan mipa pawl cu, cu vek an rak si lo lem lo. Mipa pawl ih mizia ah an nupi hi, an nupi a si rualrual in an rualpi khal a si cih. Cutik ah mipa pawl in nupi an sun tikah an rualpi khal an sun cih. Curuangah koppi an hawl lohli tin a sim.

Cule zuun tuar le tuar lo thuah, mipa pawl hi zuun an tuar ve ko. Asinan zuun an tuar daan a rak thok rang tuk ṭheu ti a si. Tahṭhimnak ah mipa ih koppi in natnak damter thei nawn lo a neih veten, mipa in zuun a tuar thok zo ti a si. Cutin a nupi in a thihsan ngaingai tikah zuun a tuarnak a ṭheh lam a rak pan lam sawn zo ṭheu.

Asinan nunau cu cuvek kan si lo. Nunau cu a pasal in a thihsan ciah ih sin zuuntuar a thok ve fang tin a sim bet. Curuangah mipa nupi ih thihsan koppi hawl lohli pawl khi mawhthluk leh hmuhsual cih lohli ding an si lemlo. Ka hrangah thilthar tuk a si ruangah duhsaknak thawn ka lo hlawm ve men”.

Be the first to comment

Leave a Reply

Your email address will not be published.


*