Nupa An Kawkaw Ih A Nu In Ralhrang Hnenah A Sim Thei, Ralhrang Pawlin An Pa Cu An That

Mandalay peng, Su Phyu Kone khua ih um nupa tuakkhat cu ṭongkam an el’aw ciamco hnuah innsang nu in ralhrang hnenah an nupa buainak thuhla cu ava sim thei, ralhrang pawlin an pa cu an thahsak. Kum 28 mi Maung Kyaw Thu cu a pu tei motor mawng in hnaṭuan a si.

April 1, 2022 zinglam ah an nupa karlak ah buainak an nei ih ṭongkam an el’aw ciamco, an nu in khua lal hnenah ava sim thei. Sun nazi 1:00 hrawngah tlawnginn ih umhmun khuar ralhrang pawlin an pa cu an va kai.

Simlam nazi 4:00 hrawngah Maung Kyaw Thu cu lamzin kap ah zianghman thei loin aum ih zan nazi 8:00 hrawngah an velhnak hliamhma ruangah a thi. A ruak cu April 3 zanlam nazi 3:00 hrawngah an vuiliam.

Tualsung mi pakhat in, “Maung Kyaw Thu cu khuasung mipi pawlin zianghman thei loin an va hmu ih tidai in an tawih ciamco hnuah a lungfim lawk nan a cang thei lo. An inn ah an tlunpi hnu a zan ah a thi” a ti. Thla 3 sungah ralhrang pawlin Su Phyu Kone khua ah phungyi telin mi 8 an rak hrem that zo.

Be the first to comment

Leave a Reply

Your email address will not be published.


*