Nagpur khua ih um tlangval pakhat cu a fala thawn nupa-sinak an hman rero laiah lungphu cawl in a thi thutthi. Kan dung zarhpisun July 3 ah a fala thawn riahbuk an sang ih nuam an cen.
Nupa-sinak an hmang ih nazi hrek hrawngah a tlu ih zianghmang a thei nawn lo. A fala cu a mangbang tuk ih an rualpi ṭha hnenah thilthleng cu a sim thei, an rualpi in palik pawl an ko ih riahbuk ah an va feh, tlangval cu arak thifel zo. Tlangval ih taksa parah tuahmawhnak hliamhma zianghman an hmu lo.
A thihnak san cu zu le rithihsii a thamkop ruangah si an zum, siibawi pawlin an zingzoi hnuah mipa serh cahnak siivai a ei ruangah si an zumsal. A bawngbi sungah mipa thazang cahnak, serh cahnak siivai an hmu.
Mipa thazang cahnak, serh caknak siivai Viagra hi a lar zet. 1989 kum ah US siibawi pawlin an sersuak. Awm-na le cuap damlo hrangah siivai hi an sersuak nan mipa hrang khalah arak ṭha zet. Asinan, an ei tamtuk asilen lungphu cawl in an thi thei, an serh khal a tho ringring thei.
Kan dung khalah fala le tlangval an nei aw, mipa kum 28 mi cu a rualpi pawlin siivai thuhla hi an sim thei ih lei dingin an forhfial. Siivai cu a lei ih a ei tamtuk ruangah a serh cu a tho ringring ih naa a ti tuk. Siizung ah an va feh ih siibawi pawlin thla 2 sung an tuamhlawm, a serh khal veihnih an at hnuah damten an tlungsal. Siibawi in, “Pangaiten nupa-sinak a hmang thei ding, hmailam caan khalah nau a nei thei ding” a ti.
Leave a Reply