Nupa-Sinak An Hmang Laiah A Hngawng Ah A Rek Ruangah Nam In A Dawt That

England, Chilthorne Domer khua ih um nunau kum 31 mi Hayley le kum 45 mi Matthew in fa pahnih an nei zo. Ritheihsii le zu an in ṭheu. May 14 zan ah Hayley in a koppi cu nam in a dawt ih palik pawl hnenah a sim thei hngal, palik pawl an va thleng tikah cun arak thi zo.

Thu an suhnak ah Hayley in, “Ka that tum asilo, ka thinheng tuk ruangah nam in ka deng ih ziangtin a ngah ti ka thei lo. Nupa-sinak kan hmang tinten in kaihrem. Ka hngawng ah a rek, taikhop thawn in vuak.

A caan ahcun zianghman ka thei nawn lo, ka harhsal tikah pawngsual mi ka bang ka ti. A hlan ahcun ziangtin hmang ka ti lo, a duhmi a si ruangah poi ka ti lo” a ti. Palik pawlin an zingzoinak ah Matthew in a koppi hi a control tuk ti an thei.

Matthew in tlansan a tum ruangah an pahnih karlak ah buainak an nei. Matthew in nunau pahnih arak kop zo ih nunau pahnih khalah a sual tuk an ti ve. Palik pawlin thuṭhen dingin thilumdan pawl an zingzoi rero lai.

Be the first to comment

Leave a Reply

Your email address will not be published.


*