Nupa Tuakkhat Cu Ralhrang Pawlin Rapthlak Zetin An Kap That

Kayah State, Demawso Township, Sanpya 6 Mai khua ih um nupa tuakkhat cu ralhrang pawlin an bike mawng lai an rak kap ih an lu ah an kap ngah veve.

November 18, 2021 ah an khua kiangkap ah ralhrang le mipi kilhimtu KNDF pawl an kapaw ciamco ih an kahawknak kiangkap ah zohman an vaksuak ngam lo. Kum 22 mi veve Ko Tun Tun Nyein le Ma Chit Su Wai cu khua ah thilri la dingin bike thawn an phuraw.

Cutin Christian biakinn kiang an thleng zawngah ralhrang pawlin an rak kap that. An innsang pawlin an phone rero nan phone an kai thei nawn lo ruangah an seherh tuk nan an va hawl ngam lohli lo.

A thaizing November 19 ah an va hawl ih thicia in an hmu, Ma Chit Su Wai ih ruak cu biakinn kiangah an hmu ih a pasal ih ruak cu a kiangnai tikuang ah an hmu. An sungkhat in, “Ko Tun Tun Nyein hi a dunglam ihsin an kap ding a bang, a hmai hrek ihsin a thluak zaten a pawt. An nupa in” a ti.

An neihawknak hi kum 2 lawng a si lai, an ruak cu November 20, 2021 ah an vuiliam. An ramsung ah ralhrang kuttuar in khuasung mi 102 an thi zo tin PKPF in November 16 ah a phuang.

Be the first to comment

Leave a Reply

Your email address will not be published.


*