Nupa Tuakkhat In Fala Pakhat An Duhtlang Ih An Nei

British nupa tuakkhat in fala pakhat an duhtlang ih an nei lawlaw. Inn pakhat ah an umtlang khawm ih an duhdawtaw zet, fa neih an tum nan zobik in nau a pai ding ti cu an tarlang hrih lo. Tom le Lesley cu kum 2 sung an rak neiaw zo.

Tom in capoh in “kan innsang nun ah mi pakhat hruailut sehla” tin capoh a sai ih a takram ah an tuah ngaingai. A nupi Lesley in fala Emma cu sinak bang kopaw pawl umnak group ihsin a hmeltheih. Cutin, a nupi in fala a nei hmaisa sawn.

Lesley in a fala hnenah a pasal thawn an lungthlitum cu a sim thei ih Emma in mak a ti tuk. A tir ahcun mi pathum umtlang khawm ding cu a ngam lo lawk, asinan an nupa in ṭhaten an bia ih an lem rero hnuah a lungkim. Lesley in, “Duhdawtaw zetin mi pathum kan umtlang ruangah mipi in in relsia ṭheu. Miaa ahcun in ruat, kan zaten kan duhdawtaw thluh.

Thildang zianghman aum lo, nupa dang vekin hringnun kan hmang ve. Kannih cu mi pathum kan si, cuvial” a ti. An umtlang pekte ahcun thikawknak aum phahphah nan tu’ahcun an remaw zet zo, an innsang pawl khalin mi pathum an neiaw cu poi an ti nawn lo.

Be the first to comment

Leave a Reply

Your email address will not be published.


*