Nupa Tuakkhat Vuak Thattu Pafa Cu Thihdaan An Orhter

February 21, 2019 zinglam ah Bago Division, Toungoo District, Ketomati New Town lamzin parah nupa tuakkhat cu pafa pahnih in an thih hlanlo an vuak ciamco. Kiangkap um mipi pawl khalin an hmu thluh nan an run ngam, cutin an vuak that hnuah palik pawlin an kai.

Kum 3 zikte hnu November 24, 2021 ah tualthattu pafa cu Taungoo District Court in thiamlo a coter veve ih thihdaan le kum 20 lenglo thawngtla dingin an thu a ṭhencat. Tualthattu pafa ih hmin cu U Ye Win (kum 51) le U Toe Kyi (kum 71) an si.

U Ye Win cu thihdaan an orhter hnuah kum 22 sung thawngtla dingin a thu an ṭhencat. Cun a pa U Toe Kyi khal thihdaan an orhter hnuah kum 21 sung thawngtla dingin a thu an ṭhencat ve.

February 21, 2019 zing ih an vuak thatmi nupa cu ralbawi cawl zo U Soe Lin Than (kum 49) le a nupi England hrambun lawng captain ṭuan lai Daw Chaw Su Su Lin (kum 45) an si. An kiangah an fanu kum 15 mi khal arak um ve ih hliamhma a tuar.

2012 kum ah himi nupa tuakkhat in U Ye Win tei innhmun an rak lei, 2019 kum ah an innhmun leimi ih leiram ca poimawh renew dingin le huangkulh pawl tuah dingin an va be ih U Ye Win ih hmatpungtin le an innsang cazin copy an dilnak ah an hmuthiam aw lo ih ṭongkam an el’aw ciamco. Cutn an buai thok ih U Ye Win tei pafa in lamzin laifang ah an vuak that, kum 3 hnuah an thubuai cu court in a relfel ih thihdaan le kum reipi sung thawngtla dingin a ṭhencat.

Be the first to comment

Leave a Reply

Your email address will not be published.


*