Nupi 9 Neitu In Fa Neih A Tum Thlang, Zobik In Nau An Keng Hmaisabik Ding Ti Cu A Thei Lo

Brazil mipa Arthur in nupi 9 a nei ih a hminthang. Kan dungte ah a nupi pakhat Agatha in a ṭhenfel. Agatha in nunau tampi thawn pasal tawnawk cu a duh nawn lo, amah lawngin Arthur hi a nei duh ruangah an ṭhenaw fel.

Brazil ram ah nupi tampi neih an siang lo nan Arthur in a nei thotho. São Paulo khawpi ih Catholic biakinn ah kutsihnak an nei. A nupi zaten diriamnak pek thluh a tum ruangah itpit caan hi time-table in a tuah. Nupi 9 a neih ruangah a caan ahcun a har ve zet a ti.

Arthur in, “Kan nupa-nun cu a nuam tuk. Ihkhun parih an cangvaihdan cu a bangaw lo cio. Time-table vekin ka cangvai ṭheu ruangah harsatnak ka ton caan khal aum. Nuamnak in ka itpit lo caan khal aum, a caan a kim ruangah ka itpi men caan khal aum. A caan ahcun ka nupi pakhat ka itpit laiah midang ka nupi ka ruat caan khal aum ṭheu” a ti.

Curuangah tu’ahcun time-table vekin an cangvai nawn lo, an zaten an ittlang khawm thluh ih an dinhmun khal a ṭhah phah sawn. A nupi ṭhenkhat in fa neih an duh hrih lo ih ṭhenkhat in an duh. Arthur in fa neih a tum thlang ih zobik in nau an keng hmaisabik ding ti cu a thei hrih lo.

Arthur in, “Naupai hmaisabik cu kan tuamhlawm hmaisabik ding. Naute cu kilkhawitu an tam ding ruangah a hlunghlai zet ding, midang khal nau neih an duh phah ding” a ti.

Be the first to comment

Leave a Reply

Your email address will not be published.


*