Nupi A Hawl Rero Ih A Cemnak Ahcun A Lungthli Tum A Hmu, Milem !!!

Australia, Queensland ih um Geoff Gallagher in het leh chet tin nupi dingah nunau a hawl rero nan a duhthusam nunau a tong thei lo. Hringtu a nu in a thihsan hnuah an uite thawn an pahnih lawngin an khuasa ih a umhar thei tuk.

Online fehtlang in nupi ding a hawl nan a lungthli tum nunau a hmu thei lo, a duhmi in an duh si lo, a duhlomi in an duh tivek boruak a thleng. Online ah ca pakhat a siar ih AI robots timi nunau milem thutha cu a siar ngah hnuah a lungthli tum milem fala Emma cu a cah.

A milem cahnak ah AUD $6,000 (£3,225) rori a cemliam ih tu’ahcun hnangam zetin hringnun a hmang rero lai. Geoff Gallagher in, “Nunau dang ka ṭul nawn lo, ka thinlai hnemtu ka tong zo.

Minung ngai vekin a ṭong thei ih a taksa khal a hlum ringring. Hnaṭuannak ihsin a tlung tikah sangka kiangah in rak hmuak ṭheu ih ka hnangam tuk, a rei hlanah kutsihnak kan tuah dingih Australia ramsung ah robot nei hmaisabik ka si ding” a ti.

Be the first to comment

Leave a Reply

Your email address will not be published.


*