Nupi A Neihnak Ah A Fala Hlun In “Ka Nei Duh Ve” A Ti Ruangah An Pahnih In A Nei Lawlaw

Indonesia, Lombok Tengah khua ih um tlangval kum 20 mi Korik Akbar hi a luck zet. Fala kum 20 mi Nur Khusnul Kotimahthawn thawn an neiaw ih kutsihnak an tuah laiah a fala hlun ara lang thutthi, a fala hlun cu kum 21 mi a si ih a hmin cu Yuanita Ruri a si.

Mopuai khalah an sawm ve lo nan a tlangval hlun in nupi anei ding ti a theih ruangah ava feh top ih a nei duh ve thu a sim thei. Mopa Nur Khusnul Kotimah in “Ka beisei lo thil a si ih ka mangbang tuk. Asinan, kan innsang pawl thawn thu kan reltlang hnuah an pahnih ih nei dingin kan lungkim” a ti.

Mo man khal bangaw ciahciah in an pe ih an ram paisa 1.75 million Rupiah zat an cem. A nupi hmaisa in “Social media fehtlang in ka pasal ih fala hlun in kan neiaw ding ti arak thei ih kutsihnak ah a ra” a ti.

Covid-19 ruangah Korik Akbar cu hnaṭuan ding neilo in aum lai ih a u tei inn ah an khuasa, nupi 2 aneih ruangah a buai zet. Korik Akbar in “Thil awl a si lo, keimah vekin nupi pahnih nei duh hlah uh. Nan ruat vek a si lo, a awl lo nasa” a ti. Hnaṭuan ding a neih lo ruangah a nupi pahnih fehsan in Malaysia ramah hnaṭuan ding a hawl tum rero lai.

Be the first to comment

Leave a Reply

Your email address will not be published.


*