Nupi A Neihnak Puai Ah Zu A In Tamtuk Ruangah A Catthla

China ram ah fala le tlangval tuakkhat cu duhdawtaw zetin an neiaw ih mopa cu a lungawi tuk ruangah zu a in ciamco, mopuai ihsin inn khal a tlung thei nawn lo ruangah monu in an motor retnak tiang a nor.

Mopuai sunloihtu mipi pawl khal an lungawi in an hni rero. An duhdawtnak zalam tluan ah buainak phunphun an rak tong zo. An duhawknak cu kum reipi sung a si zo, tlangval tei hi mifarah zet an si ruangah fala tei innsang in an duhpi lo.

Tlangval cu thinnuam lo zetin hmun dangah hnaṭuan in aum ih a taimaknak zarah a hnaṭuan khal a hlawhtling, kum le caan an herliam vivo hnuah an khua ah ava tlungsal ih a fala ih nulea hnenah neihawk a dil cu an rak siang.

Cutin, hlunghlai zetin an neiaw ih a duhmi fala a nei ngah cu a lungawi tuk ah umngaihnak a thei lo ruangah kut an sih hnuah zu an in ciamco ih a catthla. A zan cu monu hi a umhar zet men ding.

Be the first to comment

Leave a Reply

Your email address will not be published.


*